დღეს, თბილისის ეთნოგრაფიულ მუზეუმში „ფერმერის დღე 2026“ ჩატარდება
დღეს, 12:00 საათიდან, თბილისის ეთნოგრაფიულ მუზეუმში, „ფერმერის დღე 2026“ ჩატარდება.
ღონისძიების ინიციატორი გარემოს დაცვისა და სოფლის მეურნეობის სამინისტროა, ორგანიზატორი კი სოფლის განვითარების სააგენტო. ორგანიზატორები განმარტავენ, რომ „ფერმერის დღის“ მიზანია, კიდევ ერთხელ გაესვას ხაზი ფერმერების მნიშვნელოვანს როლს ქვეყნის ეკონომიკის, რეგიონების გაძლიერებისა და სასოფლო-სამეურნეო დარგის განვითარებაში.
"ღონისძიების ფარგლებში აგროსექტორის ის წარმომადგენლები დაჯილდოვდებიან , რომლებმაც განსაკუთრებული წვლილი შეიტანეს სოფლის მეურნეობის დარგის განვითარებაში. ღონისძიების სტუმრებს მრავალფეროვანი და საინტერესო თემატური სივრცეები დახვდებათ.
ღონისძიების ერთ-ერთი გამორჩეული ნაწილი იქნება სპეციალურად მოწყობილი პავილიონები, სადაც ქართული აგროსექტორის წარმომადგენლები საკუთარ პროდუქციას წარადგენენ და სტუმრებს ხარისხიანი აგროსასურსათო პროდუქციის მრავალფეროვნებას გააცნობენ.
სტუმრებს, ასევე ექნებათ შესაძლებლობა, გაეცნონ გარემოს დაცვისა და სოფლის მეურნეობის სამინისტროს უწყებების მიერ ფერმერებისა და აგრობიზნესის წარმომადგენლებისთვის შეთავაზებულ აგროსერვისებს.
პროფესიონალი შეფის მონაწილეობით ჩატარდება კულინარიული მასტერკლასები.
პატარა სტუმრებისთვის მოეწყობა საბავშვო სივრცე, სადაც სხვადასხვა აქტივობა გაიმართება", - ნათქვამია სოფლის განვითარების სააგენტოს განცხადებაში.
BM.GE
წყარო: bm.ge