დიეგო მარადონას მიერ “საუკუნის გოლის“ გასატანად გამოყენებული ბურთი აუქციონზე $10 მილიონად იყიდება

1986 წლის მსოფლიო ჩემპიონატის მეოთხედფინალში, ინგლისის წინააღმდეგ გამართულ მატჩში, დიეგო მარადონას მიერ ჩაცმული მაისური, რომლითაც მან ჯერ ცნობილი „ღვთის ხელის“, შემდეგ კი „საუკუნის გოლი“ გაიტანა, დღემდე ფეხბურთის ისტორიაში ყველაზე ძვირად გაყიდულ მაისურად რჩება. 2022 წელს აუქციონზე ის $9.28 მილიონად გაიყიდა.კოლექციონირებისა და სპორტული მემორიალების ბაზრის ბოლოდროინდელი ბუმის ფონზე, ბუნებრივად ჩნდება კითხვა, რამდენს გადაიხდის ვინმე იმ ბურთში, რომლითაც მარადონამ ფეხბურთის ისტორიაში ორი ყველაზე ცნობილი გოლი გაიტანა? პასუხი ასეთია $10 მილიონს.სწორედ ასე აფასებს Heritage Auctions-ი 1986 წლის მსოფლიო ჩემპიონატის ოფიციალურ ბურთს („Official World Cup Ball 1986“), რომელიც ფოტომტკიცებულებებით დადასტურებულია, რომ სწორედ ის ბურთია, რომლითაც მარადონამ 1986 წლის 22 ივნისს ინგლისის წინააღმდეგ ჯერ „ღვთის ხელის“, შემდეგ კი „საუკუნის გოლი“ გაიტანა.აუქციონი თვის ბოლოს დაიწყება და 21–23 აგვისტოს დასრულდება.