ეკონომიკური კალენდარი – რას უნდა ველოდოთ მომავალ კვირას?

მომავალ კვირას ინვესტორთა ყურადღების ცენტრში აშშ-ის ფედერალური რეზერვის საბჭოს წევრები იქნებიან, რომლებმაც სამომავლო მონეტარულ პოლიტიკასთან დაკავშირებით თავიანთი ხედვები უნდა გააზიარონ. მართალია, კევინ უორშის მხრიდან კონკრეტულ განცხადებებს არავინ მოელის, თუმცა FED-ის სხვა წევრები საჯაროდ კომენტარების გაკეთებისას მეტად გახსნილები არიან.

ასევე აქტუალურად რჩება აშშ-ირანის მოალაპარაკების საკითხი, რადგან საბოლოო შეთანხმებასთან დაკავშირებით ჯერაც ბევრი რამ გაურკვეველია.

რაც შეეხება ჩინეთს, ქვეყნის სტატისტიკის სამსახური ინფლაციასთან დაკავშირებით უახლესი მონაცემების წარმოდგენას აპირებს, რომელიც სავარაუდოდ 1.3%-ის ფარგლებში იქნება.

გარდა ამისა, წინა კვარტლის ფინანსურ მაჩვენებლებს შემდეგი მსხვილი კომპანიები გაგვაცნობენ: Pepsico, Delta Air Lines, Levi Strauss, PriceSmart და AZZ Inc.

რაც შეეხება საქართველოს, სტატისტიკის ეროვნული სამსახური შემდეგ მონაცემებს გაასაჯაროებს:

• მშენებლობის ღირებულების ინდექსი (2026 წლის მაისი) • სამომხმარებლო ფასების ჰარმონიზებული ინდექსი (2026 წლის ივნისი) • საქართველოს საგარეო ვაჭრობა, 2025