ეკონომიკური კალენდარი – რას უნდა ველოდოთ მომავალ კვირას?

მომავალ კვირას ინვესტორთა ყურადღების ცენტრში ისევ ახლო აღმოსავლეთის რეგიონი იქნება, სადაც ომანის ჩართულობით, აშშ-სა და ირანს შორის ახალი სამშვიდობო შეთანხმების მიღწევა არის პროგნოზირებული.

გარდა ამისა, პრეზიდენტ დონალდ ტრამპის ადმინისტრაცია ახალი სატარიფო შეზღუდვების დაწესებას აპირებს რიგი სახელმწიფოებისათვის, განსაკუთრებით დიდი ზეწოლის ქვეშ კი კანადა აღმოჩნდება.

სტატისტიკური თვალსაზრისით, მომავალი კვირა საინტერესო იქნება აშშ-ის უმუშევრობის, უძრავი ქონების და კერძო სექტორის ბრუნვის განახლებული მონაცემებით. ხოლო რაც შეეხება ევროპის რეგიონს, აქ ინფლაციის განახლებულ სტატისტიკას გავეცნობით, რომელზედაც ევროპის ცენტრალური ბანკი მომავალი გადაწყვეტილება იქნება დამოკიდებული.

ცხადია, არ უნდა გამოგვრჩეს კორპორაციული სექტორიც, რადგან მსხვილი კომპანიები თავიანთი კვარტალური შედეგების გამოქვეყნებას გეგმავენ, მათ შორის იქნებიან: Broadcom, Snowflake, HP, Dell, Palo Alto, NIO, NetApp, Copart, Zscaler, lululemon, DocuSign და Ciena.

რაც შეეხება საქართველოს, სტატისტიკის ეროვნული სამსახური შემდეგ მონაცემებს გაასაჯაროებს:

• სამომხმარებლო ფასების ინდექსი (2026 წლის აგვისტო) • საწარმოთა საქმიანობის შედეგები (პროდუქციის გამოშვება, ბრუნვა, დასაქმებულთა რაოდენობა და სხვა) (2026 წლის II კვარტალი) • შინამეურნეობებში საინფორმაციო და საკომუნიკაციო ტექნოლოგიების გამოყენების მაჩვენებლები (2026 წელი) • ეკონომიკური ზრდის ტენდენციების წინასწარი შეფასება, ეკონომიკური სტატისტიკის მაჩვენებლები (2026 წლის ივლისი)