Eli Lilly წარმოების გაფართოებისთვის დამატებით $4.5 მილიარდს დააბანდებს

ამერიკულმა ფარმაცევტულმა გიგანტმა, Eli Lilly-მ ინდიანას შტატში, საწარმოო კომპლექსის განვითარებისთვის დამატებით, $4.5-მილიარდიანი ინვესტიცია დააანონსა, რის შედეგადაც კომპანიის მიერ 2020 წლიდან ამ რეგიონში გაწეული კაპიტალური ხარჯები $21 მილიარდს გადააჭარბებს.

პროექტის ფარგლებში, უკვე გაიხსნა კომპანიის პირველი სპეციალიზებული ქარხანა, რომელიც გენეტიკური მედიცინის პრეპარატების წარმოებაზეა ფოკუსირებული. ახალი ობიექტი დაავადებებს გენეტიკურ დონეზე ებრძვის და მოიცავს სრულ ციკლს კვლევებიდან მასშტაბურ კომერციულ მიწოდებამდე.

კომპანიის აღმასრულებელი დირექტორის, დევიდ რიქსის განცხადებით, Eli Lilly არა მხოლოდ მომავლის მედიკამენტებს აღმოაჩენს, არამედ მსოფლიოში ყველაზე მოწინავე ქარხნებს აშენებს მათ დასამზადებლად.

აღსანიშნავია, რომ 2020 წლიდან Eli Lilly-ს ჯამურმა საინვესტიციო ვალდებულებამ აშშ-ის მასშტაბით $50 მილიარდს მიაღწია, რაც ადგილობრივი წარმოების ხელშემწყობი პოლიტიკით გახდა შესაძლებელი.

ცნობისთვის, Eli Lilly-ის საბაზრო კაპიტალიზაცია 880 მილიარდ დოლარს შეადგენს და ის მსოფლიოს უმსხვილესი ფარმაკოლოგიური კომპანიაა.