ერთ წელიწადში გაიხსნა განთავსების 20 ობიექტი - მთავრობის ანგარიში

2025 წლის 1 ივნისიდან 2026 წლის მაისის ჩათვლით საქართველოში 20 ახალი განთავსების ობიექტი გაიხსნა.

სამთავრობო პროგრამის შესრულების ანგარიშის თანახმად, ინტენსიურად გრძელდება განთავსების ობიექტების სექტორის განვითარება.

"გაიხსნა 20 ობიექტი, რომელთა ჯამური მოცულობა აღემატება 1,000 ნომერსა და 2,000 საწოლ ადგილს.

ჯამში, ფუნქციონირებს 2,691 განთავსების ობიექტი, 52,596 ნომრითა და 116,204 საწოლი ადგილით, რაც კიდევ უფრო აძლიერებს ქვეყნის შესაძლებლობას მზარდი ტურისტული ნაკადების მისაღებად",- წერია ანგარიშში.

2025 წლის მონაცემებით, საერთაშორისო მოგზაურობიდან მიღებულმა შემოსავლებმა 4.7 მილიარდ აშშ დოლარს მიაღწია (+6%), ხოლო საერთაშორისო მოგზაურების ვიზიტების რაოდენობამ 7,803,239 შეადგინა (+5.9%). 2026 წლის პირველ კვარტალში საერთაშორისო მოგზაურობიდან მიღებულმა შემოსავლებმა 829.8 მილიონი აშშ დოლარი შეადგინა (+0.5%). ამასთან, საერთაშორისო მოგზაურების ვიზიტების რაოდენობა 1,300,505-ს გაუტოლდა, რაც წლიურად – 1.1%-ით არის შემცირებული.