არგენტინის მთავრობამ ცვლილებები შეიტანა ქვეყნის საიმიგრაციო კანონმდებლობაში, რაც ხელისუფლებას უფლებამოსილებას ანიჭებს, ქვეყნიდან გააძევოს უცხო ქვეყნის მოქალაქეები, რომლებიც ზეპირი თუ წერილობითი ფორმით ავრცელებენ სიძულვილის შემცველ გზავნილებს არგენტინის ან მისი ეროვნული სიმბოლოების წინააღმდეგ

არგენტინის მთავრობამ ცვლილებები შეიტანა ქვეყნის საიმიგრაციო კანონმდებლობაში, რაც ხელისუფლებას უფლებამოსილებას ანიჭებს, ქვეყნიდან გააძევოს უცხო ქვეყნის მოქალაქეები, რომლებიც ზეპირი თუ წერილობითი ფორმით ავრცელებენ სიძულვილის შემცველ გზავნილებს არგენტინის ან მისი ეროვნული სიმბოლოების წინააღმდეგ.

რეფორმა ასევე აძლევს უფლებამოსილებას ხელისუფლებას, ქვეყანაში შესვლაზე უარი უთხრას იმ უცხოელებს, ვისაც მსგავს ქმედებებში მიუღია მონაწილეობა.

არგენტინის პრეზიდენტის, ხავიერ მილეის ადმინისტრაციის მიერ ხუთშაბათს გავრცელებული განცხადების თანახმად, ახალი წესები არ შეეხება პოლიტიკურ, იდეოლოგიურ ან აკადემიურ კრიტიკას, რადგან ეს სფეროები სიტყვისა და გამოხატვის თავისუფლებითაა დაცული.

მთავრობის განცხადებით, ეს ცვლილებები პასუხია „არგენტინის რესპუბლიკისა და არგენტინელების მიმართ მტრული დამოკიდებულების გამოვლინებებზე“, თუმცა კონკრეტული მაგალითები არ დაუსახელებიათ.

ეს განცხადება მოჰყვა არგენტინისა და, კერძოდ, მისი ეროვნული საფეხბურთო ნაკრების მწვავე კრიტიკას მსოფლიო ჩემპიონატის შემდეგ, სადაც არგენტინამ მეორე ადგილი დაიკავა.