EU-დან გაძევებულებს შორის საქართველო მესამე ადგილზეა - მეტი მხოლოდ თურქეთის და სირიის მოქალაქე იყო

Eurostat-ის ინფორმაციით, 2026 წლის მე-2 კვარტალში ევროკავშირიდან საქართველოს 2 140 მოქალაქე გააძევეს მესამე ქვეყანაში. ამ მაჩვენებლით ქვეყანა მესამე ადგილს იკავებს და მას მხოლოდ თურქეთისა [3765] და სირიის მოქალაქეები [2 770] უსწრებენ.

კერძოდ, Eurostat-ის მონაცემებით, 2026 წლის მეორე კვარტალში ევროკავშირის ქვეყნებმა არაწევრი სახელმწიფოების 110 335 მოქალაქეზე გასცეს ქვეყნიდან გაძევების ბრძანება, ეს წინა წლის შესაბამის პერიოდთან შედარებით 12%-ით შემცირებული მაჩვენებელია. ხოლო მესამე ქვეყნებში ევროკავშირიდან 36 825 ადამიანი დაბრუნდა, რაც წლიურ ჭრილში 9.7%-ით გაზრდილი მაჩვენებელია.

ქვეყნიდან გაძევებაზე ყველაზე მეტი ბრძანება საფრანგეთმა (32 420), პორტუგალიამ (11 190) და გერმანიამ (8 160) გასცეს. მესამე ქვეყნებში დაბრუნებული ადამიანების ყველაზე მაღალი მაჩვენებელი კი გერმანიაში (8 400), საფრანგეთსა (3 825) და პოლონეთში (3 005) დაფიქსირდა.