ევროკავშირი რუსეთის წინააღმდეგ სანქციების 22-ე პაკეტს ამზადებს
ევროკომისიის პრეზიდენტმა ურსულა ფონ დერ ლაიენმა განაცხადა, რომ ევროკავშირი რუსეთის წინააღმდეგ სანქციების 22-ე პაკეტს ამზადებს. როგორც ირკვევა, კონკრეტული დეტალები ჯერ უცნობია, თუმცა ბაზარზე მოელიან, რომ შეზღუდვები რუსული ენერგორესურსების, ლითონებისა და ლოგისტიკური სერვისების ექსპორტზე გავრცელდება.
ევროპელი ანალიტიკოსები აღნიშნავენ, რომ სანქციების გამკაცრების მოლოდინების გამო Brent-ის, WTI-ისა და ევროპული დიზელის ფიუჩერსების ფასი, სავარაუდოდ, გაიზრდება. ამასთან, რისკების ზრდის ფონზე ევროპულ ბუნებრივ აირსა (TTF) და ლითონების ბაზარზეც ფასების მატებაა მოსალოდნელი. ექსპერტები მიიჩნევენ, რომ დეტალების დაზუსტებამდე ევროპის ენერგეტიკულ ბაზრებზე ვოლატილობა მაღალ ნიშნულზე შენარჩუნდება.
აღსანიშნავი ფაქტია, რომ ევროკავშირი ბოლო პერიოდში ენერგეტიკული შეზღუდვების ნაცვლად, სანქციების აღსრულებასა და ორმაგი დანიშნულების საქონლის კონტროლზე უფრო მეტად იყო ფოკუსირებული.
BM.GE
წყარო: bm.ge