ევროპაში თანხის საბანკო ანგარიშზე გადარიცხვა კიდევ უფრო ხელმისაწვდომი ხდება: InexPay მომხმარებლებს SEPA გადარიცხვებს სთავაზობს

ევროპულ უნივერსიტეტებში სწავლის საფასურის დაფარვა, საცხოვრებელი ბინის იჯარის გადახდა, სამედიცინო მომსახურების ანგარიშსწორება თუ ოჯახის წევრების მხარდაჭერა - ეს იმ საჭიროებათა მცირე ჩამონათვალია, რომელთა წინაშეც საქართველოს ათასობით მოქალაქე ყოველდღიურად დგას. ამ ფონზე, მომხმარებლისთვის განსაკუთრებულ მნიშვნელობას იძენს ფინანსური ოპერაციების სისწრაფე, უსაფრთხოება და რაც მთავარია, დაბალი საკომისიო ხარჯები.

აღნიშნულ გამოწვევებს წარმატებით ჰპასუხობს მარტივი ფინანსური აპლიკაცია - InexPay, რომელიც მომხმარებლებს ევროს ერთიანი გადახდის სივრცის, ანუ SEPA სისტემით სარგებლობის მოსახერხებელ პირობებს სთავაზობს. ინოვაციური პლატფორმის მეშვეობით თანხის ჩარიცხვა ევროპის ნებისმიერ ბანკში, ნებისმიერ საბანკო ანგარიშზეა შესაძლებელი, თანაც სულ რაღაც 1 სამუშაო დღეში. საკომისიო კი უპრეცედენტოდ დაბალია და 4-დან 15 ევრომდე მერყეობს.

ამასთან, ტრანზაქციას არ სჭირდება დამატებითი დაზღვევა და მიმღების ანგარიშზე ზუსტად ის თანხა ირიცხება, რასაც მომხმარებელი გზავნის, ყოველგვარი ფარული თუ შუამავალი ბანკების ხარჯების გარეშე.

SEPA სტანდარტი ევროპის მასშტაბით თანხის გაგზავნას შიდა საბანკო ოპერაციასთან ათანაბრებს, რაც გადარიცხვის პროცესს არა მხოლოდ საგრძნობლად აჩქარებს, არამედ ტრადიციულ საბანკო ტრანზაქციებთან შედარებით ფინანსურ დანახარჯებსაც მინიმუმამდე ამცირებს.

InexPay-ს გამოყენებით SEPA გადარიცხვის განხორციელება განსაკუთრებით აქტუალურია სტუდენტებისა და მათი ოჯახებისთვის, რომელთაც ევროპულ სასწავლებლებში კონკრეტულ ვადებში სჭირდებათ სწავლის საფასურის გადახდა. გარდა ამისა, სერვისი იდეალური გადაწყვეტილებაა საზღვარგარეთ მცხოვრები იმ პირებისთვის, ვინც ყოველთვიურად ფარავს ბინის ქირასა თუ კომუნალურ ხარჯებს, ან გეგმავს ევროპის წამყვან კლინიკებში მკურნალობას, სადაც ინვოისის დროულად დაფარვა კრიტიკულად მნიშვნელოვანია.

კომპანიაში განმარტავენ, რომ InexPay-ს მთავარი პრიორიტეტი მომხმარებლისთვის პროცესის მაქსიმალური გამარტივება და სრული გამჭვირვალობაა. ევროპაში თანხის გადასარიცხად საკმარისია მხოლოდ მიმღების პირადი მონაცემები და საერთაშორისო საბანკო ანგარიშის ნომერი (IBAN), ხოლო ტრანზაქცია ყოველგვარი ფარული საკომისიოების გარეშე ხორციელდება.

InexPay აგრძელებს სერვისების განვითარებას, რათა საქართველოს მოქალაქეებისთვის ევროპასთან ფინანსური კავშირი კიდევ უფრო მარტივი, საიმედო და ხელმისაწვდომი გახდეს. დეტალური ინფორმაციის მისაღებად და მომსახურებით სარგებლობისთვის მომხმარებლებს შეუძლიათ ეწვიონ კომპანიის ოფიციალურ ვებ-გვერდს ან მობილურ აპლიკაციას, სადაც რეგისტრაციასა და ვერიფიკაციას სულ რამდენიმე წუთი სჭირდება.

გადმოწერეთ აპლიკაცია: InexPay