ფინანსთა მინისტრმა დასვენებაზე ₾16 000-მდე დახარჯა - ლაშა ხუციშვილს უძრავი ქონება არ აქვს

ფინანსთა მინისტრმა ლაშა ხუციშვილმა 2025 წლის ქონებრივი დეკლარაცია წარადგინა.

დეკლარაციის მიხედვით, სამინისტროს ხელმძღვანელს, რომელიც პოსტს 5 წელია იკავებს, უძრავი ან მოძრავი ქონება არ აქვს. მას მხოლოდ თავისი და მისი ცოლის სახელფასო შემოსავალი და დანახარჯები აქვს დეკლარირებული.

2025 წელს ლაშა ხუციშვილმა მინისტრის პოსტზე ხელფასის სახით 119 731 ლარი აიღო, ხოლო მისმა ცოლმა რუსუდან ჯავახიშვილმა, რომელიც ევროპის სკოლაში ადმინისტრაციული მენეჯერია 42 451 ლარი. ამასთან ცოლს მშობელმა სწავლის საფასური 6 390 ლარი აჩუქეს.

ლაშა ხუციშვილი 2025 წლის ხარჯებში 3 შვილის გადასახადს უთითებს, რომლის ჯამური მოცულობა 24 300 ლარია.

ფინანსთა მინისტრმა გასულ წელს დასვენებაზე 15 879 ლარი დახარჯა.

დეკლარაციის შევსების დროისთვის მის სახელფასო ანგარიშზე 25 266 ლარი ირიცხებოდა.