
ფონიჭალაში აფეთქების შედეგად დაშავებული 4 ადამიანი, მათ შორის მცირეწლოვანი ჰოსპიტალიზებულია | ჯანდაცვის მინისტრი
ჯანდაცვის მინისტრ მიხეილ სარჯველაძის განცხადებით, თბილისში, ფონიჭალაში, საცხოვრებელ კორპუსში მომხდარი აფეთქების შედეგად დაშავებული 4 ადამიანი, მათ შორის ერთი მცირეწლოვანი ბავშვი საავადმყოფოშია გადაყვანილი. დაშავებულებს სხვადასხვა სიმძიმის დაზიანებები აქვთ.
როგორც მინისტრმა განაცხადა, ყველა ჰოსპიტალიზებული პაციენტის მდგომარეობას ექიმები აკვირდებიან, განსაკუთრებული ყურადღება კი ბავშვს ეთმობა, ასაკიდან გამომდინარე. შემთხვევის ადგილზე კვლავ მობილიზებული არიან სასწრაფო სამედიცინო დახმარების ჯგუფები და საჭიროების შემთხვევაში დაშავებულებს ყველა აუცილებელი სამედიცინო მომსახურება მიეწოდებათ.
„როგორც კი მივიღეთ ინფორმაცია, დაუყოვნებლივ მივიდა ყველა საჭირო სამედიცინო დახმარების ეკიპაჟი. ადგილზე ახლაც სასწრაფო დახმარების არაერთი ჯგუფი იმყოფება. ბუნებრივია, რისი საჭიროებაც იარსებებს, ყველანაირი სამედიცინო მომსახურება მაქსიმალურად ხელმისაწვდომი იქნება“, - აღნიშნა ჯანდაცვის მინისტრმა.
თბილისში, ფონიჭალაში, საცხოვრებელ კორპუსში აფეთქება მოხდა, რის შედეგადაც შენობა დაზიანდა და რამდენიმე ადამიანი დაშავდა. აფეთქება სავარაუდოდ, ბუნებრივი აირის გაჟონვამ გამოიწვია.
BM.GE
წყარო: bm.ge