
ფონიჭალაში, საცხოვრებელ კორპუსში მომხდარი აფეთქების შედეგად სამი ადამიანი დაშავდა
BM.GE|bm.ge
თბილისში, ფონიჭალაში, საცხოვრებელ კორპუსში აფეთქება მოხდა, რის შედეგადაც შენობა დაზიანდა და რამდენიმე ადამიანი დაშავდა.
აფეთქება სავარაუდოდ, ბუნებრივი აირის გაჟონვამ გამოიწვია, თუმცა საგანგებო სიტუაციების მართვის სამსახური BM.GE-სთან საუბრისას მიზეზს ჯერ არ ასახელებს.
უწყების ინფორმაციით, მაშველებმა კორპუსიდან სამი დაშავებული გამოიყვანეს. სამივე კონტაქტურ მდგომარეობაში იყო და სასწრაფო სამედიცინო დახმარების ჯგუფმა ისინი კლინიკაში გადაიყვანა.
აფეთქების შემდეგ კორპუსის მცხოვრებლების ევაკუაცია განხორციელდა.
ადგილზე ამ დრომდე მობილიზებულია შესაბამისი სამსახურები, გრძელდება სამაშველო სამუშაოები.
სოციალურ ქსელებში გავრცელებულ კადრებში ჩანს, რომ აფეთქების შედეგად საცხოვრებელი კორპუსის ნაწილი მნიშვნელოვნადაა დაზიანებული.
გაზიარება:
BM.GE
წყარო: bm.ge