ფოთის პორტში მსხვილი საკონტეინერო ხაზი Akkon Lines შემოდის
ფოთის საზღვაო ნავსადგურში მსხვილი საკონტეინერო ხაზი Akkon Lines შემოდის.
თურქული საზღვაო გადამზიდავი შავ ზღვაში ახალ ფიდერულ სერვისს ნოემბრის დასაწყისში ამუშავებს და თურქეთს საქართველოსთან დააკავშირებს. ახალი სერვისი - Poti Shuttle, უზრუნველყოფს დერინჯეს ნავსადგურსა და ფოთს შორის საკონტეინერო გადაზიდვას და შეავსებს Akkon Lines-ის შავი ზღვის არეალში უკვე არსებულ მომსახურებას, რომელსაც დერინჯედან კონსტანცას, ვარნასა და ბურგასის მიმართულებით ახორციელებს.
თავდაპირველად, ხაზზე იმუშავებს 344 TEU ტევადობის საკონტეინერო გემი CHONA. CFTS-ის ინფორმაციით, დერინჯედან პირველი რეისი 4 ნოემბერს არის დაგეგმილი, ხოლო შემდგომში გემები ყოველ ცხრა დღეში ერთხელ იმოძრავებენ.
კომპანიაში ფიქრობენ, რომ ახალი სერვისი გააფართოებს Akkon Lines-ის რეგიონულ ქსელს და თურქეთსა და საქართველოს შორის კონტეინერების გადაზიდვის დამატებით შესაძლებლობას შექმნის.
BM.GE
წყარო: bm.ge