FRIDA-ს მშენებლობა ფინალურ ეტაპზეა - პროექტი, რომელიც თბილისის ახალ მიზიდულობის სივრცედ იქცევა, სულ უფრო უახლოვდება დასრულებას
სამშენებლო სამუშაოები დასკვნით ფაზაში გადადის, ოპერირება კი 2027 წლის პირველ კვარტალში დაიწყება.
რეგიონში ერთადერთი - კინეტიკური ფასადის მონტაჟი - ფინალურ ეტაპზეა.
აქტიურად მიმდინარეობს გარე საფასადე სამუშაოები და შენობა თანდათან იძენს იმ არქიტექტურულ სახეს, რომელიც FRIDA-ს გამორჩეულ, ღირშესანიშნავ პროექტად აქცევს.
სარესტორნე სივრცეები სრულად მზადაა შიდა სამუშაოების დასაწყებად და ელოდება ინდივიდუალურ დიზაინერულ გადაწყვეტებს, რომლებიც თითოეულ მათგანს საკუთარ ხასიათსა და იდენტობას შესძენს.
განსაკუთრებული ადგილი FRIDA-ში სამუშაო სივრცეებს დაეთმობა. თანამედროვე ოფისები იმ ბიზნესებისთვის იქმნება, რომლებისთვისაც სამუშაო გარემო მხოლოდ ფუნქციური სივრცე არ არის. აქ კომპანიას შეუძლია ჰქონდეს მაღალი ხარისხის საქმიანი გარემო, პარტნიორებთან შეხვედრის გამორჩეული ადგილი და საკუთარ გუნდს განსხვავებული ყოველდღიურობა შესთავაზოს.
FRIDA-ში დღე სხვადასხვა სცენარებს გააერთიანებს: აქ განთავსდება საოფისე და სარესტორნე სივრცეები, 50-მეტრიანი აუზი ტერასით, სპა და ფიტნეს სივრცე, ღია და დახურული ჩოგბურთისა და პადელის კორტები, rooftop — განსაკუთრებული გამოცდილებისთვის.
FRIDA მდებარეობს თბილისის ცენტრალური პარკის წინ, ქაქუცა ჩოლოყაშვილის #1-ში.
სულ უფრო ახლოვდება მომენტი, როდესაც FRIDA ქალაქის ყოველდღიური ცხოვრების ნაწილად იქცევა — ადგილად, სადაც ერთ სივრცეში ერთმანეთს შეხვდება ბიზნესი, სპორტი, დასვენება, გასტრონომია და სოციალური ცხოვრება.
FRIDA — სადაც მისწრაფებები ერთიანდება.
BM.GE
წყარო: bm.ge