გაგიკ წარუკიანის რეზიდენციიდან ლომები ერევნის ზოოპარკში გადაიყვანეს
ბიზნესმენისა და პოლიტიკური პარტიის, „აყვავებული სომხეთის“ ლიდერის, გაგიკ წარუკიანის რეზიდენციიდან ლომები ერევნის ზოოპარკში გადაიყვანეს. როგორც ირკვევა, ცხოველები საცხოვრებელ სახლში მიმდინარე ჩხრეკის დროს დააძინეს და სპეციალისტების მეთვალყურეობის ქვეშ სპეციალურ ვოლიერებში მოათავსეს.
პარტიის პრესსპიკერის, ივეტა ტონოიანის განცხადებით, მტაცებლები საუკეთესო პირობებში ცხოვრობდნენ და მათი წაყვანის უფლება სახელმწიფოს არ ჰქონდა. მისივე თქმით, ტრანსპორტირებისას ლომები გარემოს დაცვის ინსპექციის თანამშრომლებმა წარუკიანის წარმომადგენლის თანხმობის გარეშე დააძინეს.
ცნობისთვის, წარუკიანის სახლიდან ლომების წაყვანას წინ მილიარდერი პოლიტიკოსის დაკავება უძღოდა. ის 6 ივლისს სამართალდამცველებმა თაღლითობისა და დიდი ოდენობით ფულის გათეთრების ბრალდებით დააკავეს. იმავე დღეს გაიჩხრიკა მისი რეზიდენციაა და მასთან დაკავშირებული 70-მდე ობიექტი.
BM.GE
წყარო: bm.ge