გამოკითხული კომპანიების 34% ელის II კვარტალში დასაქმებულთა ზრდას - BAG ინდექსი

საქართველოს ბიზნეს ასოციაციის BAG ინდექსის თანახმად, 2026 წლის I კვარტალში, გამოკითხული კომპანიების 30%-მა განაცხადა, რომ მათთან დასაქმებულთა რაოდენობა იზრდება.

რაც შეეხება 2026 წლის II კვარტალის მოლოდინს, გამოკითხული კომპანიების 34% დასაქმებულთა რაოდენობის ზრდას, ხოლო 64% არ აპირებს დასაქმებულთა რაოდენობის შეცვლას ელის.

სექტორებს შორის, 2026 წლის I კვარტალის მდგომარეობით, დასაქმებულთა რაოდენობის ზრდა ყველაზე მეტად ვაჭრობის სექტორში ფიქსირდება.

რაც შეეხება 2026 წლის II კვარტალის მოლოდინს, დასაქმებულთა რაოდენობის ზრდის შესახებ, ყველაზე პოზიტიური შეფასებით აქაც ვაჭრობის სექტორი გამოირჩევა.

რაც შეეხება გაყიდვებს და მოთხოვნას, 2026 წლის I კვარტალში, გამოკითხულ კომპანიათა 30%-მა დააფიქსირა გაყიდვების ზრდა, ხოლო 26%-მა - შემცირება. გამოკითხული კომპანიების 74% ფიქრობს, რომ მეორე კვარტალში მოთხოვნა გაიზრდება, ხოლო 3% შემცირებას მოელის.

გაყიდვების მხრივ, სექტორებს შორის, 2026 წლის I კვარტალის მდგომარეობას ყველაზე პოზიტიურად მრეწველობის (41%) სექტორში აფასებენ, ხოლო ყველაზე ნაკლებად პოზიტიურად - მშენებლობის სექტორში (10%). 2026 წლის II კვარტალისთვის ყველაზე პოზიტიური მოლოდინი ვაჭრობის სექტორში (79%) ფიქსირდება.

I კვარტალში ფასები კომპანიების 32%-მა გაზარდა... II კვარტალში მატებას 36% ვარაუდობს - BAG ინდექსი