₾100 ათასამდე შემოსავლის მქონე პირები ქონების გადასახადისგან გათავისუფლდნენ - პარლამენტმა კანონი მიიღო
91 მომხრე 0 წინააღმდეგი პარლამენტმა მესამე მოსმენით მხარი დაუჭირა საგადასახადო კოდექსში შესატან ცვლილებებს, რომელიც ქონების გადასახადისგან გათავისუფლების წესს ცვლის.
„ქართული ოცნების“ დეპუტატების მიერ ინიციირებული კანონპროექტი საკანონმდებლო ორგანომ დაჩქარებული წესით განახილა და სამივე მოსმენით ორ დღეში მიიღო.
ცვლილების თანახმად, გაუქმდა მრავალსაფეხურიანი სისტემა (40 000-ლარიანი ზღვარი და შესაბამისი განაკვეთები) და დგინდება ერთიანი, 100 000 ლარის ოდენობის შემოსავლის ზღვარი. აღნიშნული ზღვრის ფარგლებში ფიზიკური პირი სრულად თავისუფლდება ქონების გადასახადისგან.
აღნიშნული შეღავათი გავრცელდება იმ ქონების გადასახადზე, რომლის დეკლარირებაც საგადასახადო კოდექსის შესაბამისად 2026 წელს უნდა განხორციელდეს.
მომხსენებლის, საფინანსო-საბიუჯეტო კომიტეტის თავმჯდომარის, პაატა კვიჟინაძის განცხადებით, ეს ცვლილება 81 ათას ოჯახს შეეხება.
კანონი ძალაში გამოქვეყნებისთანავე შევა.
BM.GE
წყარო: bm.ge