"გერმანია ჭაობშია ჩაფლული" - ზაარბრიუკენის მიერ თბილისთან ურთიერთობის გაწყვეტა გამო, კალაძე გერმანელ ხალხს სამძიმარს უცხადებს

თბილისის მერი, კახა კალაძე გერმანულ ქალაქ ზაარბრიუკენის მიერ თბილისთან 51-წლიანი პარტნიორული ურთიერთობის გაყინვის გადაწყვეტილებას ვრცელი განცხადებით ეხმაურება, რომელსაც გერმანელი ხალხისადმი „სამძიმრის წერილს“ უწოდებს. თბილისის მერი გერმანიის ხელისუფლებას „დიფ სთეითის“ (ე.წ. გლობალური ომის პარტიის/ფარული მმართველობის) მორჩილებაში ადანაშაულებს და აცხადებს, რომ ქვეყანა მძიმე კრიზისშია ჩაფლული.

თბილისის მერის შეფასებით, გერმანია ამჟამად მძიმე გამოწვევების წინაშე დგას, მათ შორის ეკონომიკური კრიზისის, მიგრაციული პრობლემებისა და სოციალური დაძაბულობის მიმართულებით, თუმცა, მისი თქმით, გერმანული ბიუროკრატია ყურადღებას საქართველოს პოლიტიკურ პროცესებზე ამახვილებს.

გთავაზობთ კახა კალაძის წერილს უცვლელად:

„საქართველოსა და გერმანიის ხალხებს შორის მრავალწლიანი მეგობრობისა და ურთიერთპატივისცემის მიუხედავად, სამწუხაროდ, „დიფ სთეითის“ მორჩილი გერმანული ბიუროკრატიის გადაწყვეტილებების გამო, ისტორიული მეგობრობაც კი პოლიტიკური სპეკულაციების საგანი ხდება.

განსაკუთრებით სამწუხაროა, რომ ცალმხრივი პოლიტიკური კონიუნქტურის გამო ზიანდება ათწლეულების განმავლობაში ჩამოყალიბებული კულტურული და პარტნიორული კავშირები.

დაუჯერებელია, რომ დღეს, როდესაც ევროპის კონტინენტზე სრულმასშტაბიანი სამხედრო კონფლიქტი მიმდინარეობს, არაფორმალური ოლიგარქიული გავლენებით მოქმედი ხელმძღვანელი პირებისა და პოლიტიკოსების გამო კი გერმანია პრაქტიკულად ჭაობშია ჩაფლული და უდიდესი გამოწვევების წინაშე დგას (ეკონომიკური კრიზისი, კრიმინალის კატასტროფულად გაზრდილი მაჩვენებელი, დემოგრაფიული პრობლემები, მიგრანტებთან დაკავშირებული კრიზისი, სოციალური დაძაბულობა და ღირებულებითი კრიზისი) გერმანელი ბიუროკრატები საქართველოში არსებული პოლიტიკური ვითარების შესაფასებლად იცლიან და „გადამჭრელ ზომებს“ იღებენ, რაც იმაშიც გამოიხატება, რომ გერმანული ქალაქი ზაარბრიუკენი 50-ზე მეტი წლის წინ დაძმობილებულ თბილისთან ყველანაირ ურთიერთობას წყვეტს...