გონიო-კვარიათის სანაპირო ზოლი უსახური და უნებართვო ობიექტებისგან გათავისუფლდა - მუნიციპალური ინსპექცია

გონიო-კვარიათის სანაპირო ზოლი უსახური და უნებართვო ობიექტებისგან გათავისუფლდა. ამის შესახებ ბათუმის მუნიციპალური ინსპექცია იტყობინება.

უწყების ცნობით, აღნიშნულ სანაპირო ზოლში ჯამში 40-მდე კომერციული ობიექტის - კაფე-ბარების, ბუნგალოების და სავაჭრო ჯიხურების დემონტაჟი განხორციელდა.

"ბათუმის მუნიციპალური ინსპექციის გაფრთხილების შემდეგ ნაგებობების უმრავლესობა მეპატრონეებმა თავად დაშალეს და ტერიტორიიდან გაიტანეს. კომერციული ობიექტები ზღვისპირა ზოლში სეზონურად მუშაობდნენ და სანებართვო ხელშეკრულებაც შესაბამისი ვადით ჰქონდათ. სანაპირო ინფრასტრუქტურა ტურისტული სეზონის დაწყებამდე მოწესრიგდება", - წერია ბათუმის მუნიციპალური ინსპექციის განცხადებაში.

ცნობისთვის, ბოლო რამდენიმე თვეა აქტიურად მიმდინარეობს ბათუმის ბულვარსა და მთელ ქალაქში სხვადასხვა კომერციული ობიექტების დემონტაჟი. შემდეგი ობიექტების დემონტაჟი უკვე დასრულებულია:

• 80-მდე სხვადასხვა ტიპის მცირე ზომის სამეწარმეო ობიექტი; • 25-მდე კვების ობიექტი (კაფე-ბარი, კლუბი); • 4 სანაპიროზე განთავსებული ე.წ. „ბრენდირებული პლაჟი“; • 10-მდე კაფე-ბარებზე მიშენებული უნებართვო კონსტრუქცია; • ბულვარის შესასვლელში მდებარე ქორწინების სახლი.

ბათუმში 120-მდე ობიექტის დემონტაჟი განხორციელდა - მიზეზებზე აჭარის მთავრობა