ჰორმუზის სრუტეში გემების მოძრაობა ბოლო დღეებში მინიმუმამდე შემცირდა
აშშ-ისა და ირანის განახლებული სამხედრო დარტყმების ფონზე, ჰორმუზის სრუტეში კომერციული გემების გადაადგილება საგრძნობლად შემცირდა. არსებული ინფორმაციით, კვირას სრუტე მხოლოდ ექვსმა გემმა გადაკვეთა, ეს კი ბოლო ხუთი კვირის განმავლობაში ყველაზე დაბალ მაჩვენებელს შეადგენს.
Kpler-ის მონაცემებით, რეგიონიდან გასულ ტანკერებს შორის ირანული ნავთობითა და ქუვეითური ნავთობპროდუქტებით დატვირთული ხომალდები დაფიქსირდა. ამასთან, ყურეში ნავთობის ჩასატვირთად სამი ცარიელი ტანკერი შევიდა. აღსანიშნი ფაქტია, რომ უსაფრთხოების მიზნით გემების უმრავლესობამ ტრანსპონდერები, ანუ ადგილმდებარეობის მიმთითებელი რადარები გამორთო.
პარალელურად, რეგიონში სამხედრო დაპირისპირება ახალ ფაზაში გადავიდა. Reuters-ის ცნობით, აშშ-ის შეიარაღებულმა ძალებმა ირანის ტერიტორიაზე ათობით სამიზნეზე ზუსტი დარტყმები განახორციელა. საპასუხოდ ირანის ისლამური რევოლუციის გუშაგთა კორპუსმა სრუტეში ორი გემი შეიპყრო.
ცნობისთვის, ირანმა სრუტე ჩაკეტილად მას შემდეგ გამოაცხადა, რაც ერთ-ერთმა გემმა შეუთანხმებელი მარშრუტით სცადა ყურის გადაკვეთა. მოგვიანებით ეს ხომალდი თავდასხმის სამიზნეც გახდა.
BM.GE
წყარო: bm.ge