ჰუსიტებმა ბაბ-ელ-მანდების სრუტის საკვანძო მონაკვეთის მაკოტროლებელი კუნძული დაიკავეს
იემენელმა ჰუსიტებმა წითელი ზღვის შესასვლელთან მდებარე სტრატეგიული კუნძული - პერიმი დაიკავეს. როგორც ირკვევა, იემენის პროსამთავრობო ძალებმა ტერიტორია ცოტა ხნით ადრე სრულად დატოვეს. ამ ნაბიჯის შემდეგ კუნძულზე მეამბოხეთა ქვედანაყოფები შევიდნენ.
საყურადღებოა, რომ ბაბ-ელ-მანდების სრუტეში მდებარე ეს საკვანძო წერტილი აზიისა და ევროპის დამაკავშირებელ მთავარ საზღვაო მარშრუტს აკონტროლებს. აღსანიშნავია, რომ კუნძულზე კონტროლის დამყარებას წინ საუდის არაბეთის მიერ მხარდაჭერილი ძალებისგან საპორტო ქალაქ მოხის წართმევა უძღოდა.
მნიშვნელოვანია ითქვას, რომ ჰუსიტების წარმომადგენელმა საერთაშორისო გადაზიდვების უსაფრთხოების გარანტია გასცა, თუმცა დაიმუქრა, რომ საუდის არაბეთის გემებზე თავდასხმები მაინც არ შეჩერდება. ცნობისთვის, ოფიციალური ერ-რიადი აზიელი მომხმარებლებისთვის ნავთობის მიწოდების მიზნით სწორედ წითელი ზღვისა და ბაბ-ელ-მანდების სრუტის მარშრუტს იყენებს.
საყურადღებო ფაქტია, რომ აშშ-ისა და ირანის დაპირისპირების გამო ჰორმუზის სრუტის ფაქტობრივი ბლოკირების ფონზე, ამ საზღვაო დერეფნის მნიშვნელობა კიდევ უფრო გაიზარდა. შესაბამისად, ირანთან დაკავშირებული დაჯგუფების ხელში მისი საკონტროლო კუნძულის ხელში ჩაგდება სანავთობო კრიზისის გაღრმავების რისკებს კიდევ უფრო ზრდის.
BM.GE
წყარო: bm.ge