I კვარტალში ენერგეტიკაში პირდაპირი უცხოური ინვესტიციები 56%-ით შემცირდა - TOP ქვეყნები/კომპანიები

2026 წლის I კვარტალში საქართველოში განხორციელებული პირდაპირი უცხოური ინვესტიციების 11.8% ენერგეტიკაზე მოდიოდა. 31.9 მლნ აშშ დოლარით ენერგეტიკა FDI-ს მიხედვით მეოთხე უმსხვილესი დარგია. აღსანიშნავია, რომ მაჩვენებელი წლიურად 56%-ით არის შემცირებული.

BM.GE-მ საქსტატიდან გამოითხოვა ინფორმაცია - რომელი ქვეყნებიდან და კომპანიებში ჩაიდო პირველ კვარტალში ენერგეტიკაში ინვესტიციები.

საქსტატის მიერ მოწოდებული ინფორმაციით, ენერგეტიკაში ინვესტიციები ასე ნაწილდება:

• ნიდერლანდები - $4.6 მლნ; • თურქეთი - $1.8 მლნ; • ჩეხეთი - $1.5 მლნ; • სომხეთი - უარყოფითი იყო და -$140.2 ათასი შეადგინა; • ლუქსემბურგი - უარყოფითი იყო და -$1.3 მლნ შეადგინა; • დანარჩენი ქვეყნები - $25.4 მლნ.

რაც შეეხება კომპანიებს, სადაც ამ პერიოდში ყველაზე დიდი მოცულობის ინვესტიცია ჩაიდო, მათი ათეული ასე გამოიყურება (არაა დალაგებული რეიტინგის მიხედვით):

• სს თელასი • შპს საქართველო-ურბან ენერჯი • შპს თბილისი ენერჯი • სს საქორგგაზი • შპს აღმოსავლეთის ენერგოკორპორაცია • შპს აჭარ ენერჯი-2007 • სს ეპ ჯორჯია გენერაცია • შპს ლუქს ენერჯი ტრეიდინგ • სს ეპ ჯორჯია მიწოდება • შპს ვოლტარეს პაუერ პროჯექტს

წინასწარი მონაცემებით, ამ პერიოდში ქვეყნის ეკონომიკის სხვადასხვა სექტორში 271.2 მლნ აშშ დოლარის FDI ჩაიდო. წლიური ზრდა 47.7%-ია. ამასთან, რეინვესტიციის წილი მთლიან FDI-ში ნახევარზე მეტია და 53.8% აღწევს. საქსტატში განმარტავენ, რომ FDI-ს „ზრდა განპირობებულია პირდაპირი უცხოური ინვესტიციების ორი კომპონენტის: სააქციო კაპიტალის და სავალო ვალდებულებების მაჩვენებლის გაზრდით“.