იაპონიასთან თანამშრომლობა ქართულ ტექნოლოგიურ სექტორს ახალ შესაძლებლობებს უხსნის - GITA-ს თავმჯდომარე
ინოვაციების და ტექნოლოგიების სააგენტოს თავმჯდომარის განცხადებით, იაპონიასთან თანამშრომლობა ახალ შესაძლებლობებს უხსნის ქართულ ტექნოლოგიურ სექტორს.
„პრიორიტეტულია ქართული სტარტაპების საერთაშორისო ბაზრებზე გასვლა და იაპონიის მაღალტექნოლოგიურ ბაზარზე ქართველი ინოვატორების მოხვედრა მათ გლობალურ კონკურენტუნარიანობასა და ეკოსისტემის განვითარებაში მნიშვნელოვან როლს შეასრულებს“ - განაცხადა ავთანდილ კასრაძემ იაპონიის მთავრობის დელეგაციასთან შეხვედრისას.
GITA-ს გავრცელებული ინფორმაციით, ვიზიტის ფარგლებში სტუმრები სააგენტოს იმ პროგრამებს გაეცნენ, რომლებიც ქვეყანაში ინოვაციური გარემოს განვითარებას უწყობს ხელს და ტექნოპარკის ინფრასტრუქტურა დაათვალიერეს.
შეხვედრის მთავარ თემას GITA-სა და იაპონიის საერთაშორისო თანამშრომლობის სააგენტოს (JICA) ერთობლივი მიმდინარე პროექტი “საქართველოში სტარტაპ და ინოვაციების ეკოსისტემის გაძლიერება” წარმოადგენდა. მხარეებმა განიხილეს პროექტის ფარგლებში უკვე მიღწეული შედეგები და ის ძირითადი აქტივობები, რაც მიზნად ისახავს საქართველოში უფრო მდგრადი და საერთაშორისო დონეზე კონკურენტუნარიანი გარემოს ჩამოყალიბებას.
BM.GE
წყარო: bm.ge