ირაკლი კობახიძე ერევანშია - ხვალ ის ევროპული პოლიტიკური გაერთიანების მე-8 სამიტს დაესწრება

პრემიერ-მინისტრი ირაკლი კობახიძე ერევანშია. ის ხვალ ევროპული პოლიტიკური გაერთიანების მე-8 სამიტს დაესწრება. დღეს კი ოფიციალურ მიღებას დაესწრო, რომელიც მონაწილე ლიდერთა პატივსაცემად გაიმართა.

მიღება სომხეთის რესპუბლიკის პრეზიდენტ ვაჰაგნ ხაჩატურიანის, პრემიერ-მინისტრ ნიკოლ ფაშინიანის და პარლამენტის თავმჯდომარე ალენ სიმონიანის სახელით, ევროპული პოლიტიკური გაერთიანების მე-8 სამიტის მონაწილე ლიდერთა პატივსაცემად გაიმართა.ევროპული პოლიტიკური გაერთიანების მე-8 სამიტის ფარგლებში, საქართველოს პრემიერ-მინისტრი ხვალ სიტყვით გამოვა მრგვალი მაგიდის ფორმატის დისკუსიაზე, რომლის მთავარი თემაა დაკავშირებადობის გაძლიერება და ეკონომიკური უსაფრთხოება.ირაკლი კობახიძე, სხვადასხვა ქვეყნის ლიდერებთან ერთად, ასევე მონაწილეობას მიიღებს ნარკოტიკების წინააღმდეგ ევროპული კოალიციის (ECAD) მეორე შეხვედრაში.

ევროპული პოლიტიკური გაერთიანების ფორმატი შეიქმნა 2022 წელს, როგორც პლატფორმა ლიდერებისთვის ევროკავშირის შიგნით და მის ფარგლებს გარეთ, რათა შეხვდნენ და განიხილონ საერთო გამოწვევები. ევროპის პოლიტიკური გაერთიანების ბოლო, მეშვიდე სამიტი დანიაში გაიმართამ რომელსაც კობახიძეც ესწრებოდა. იქამდე კი, მასპინძელი ალბანეთი იყო.