ირაკლი კვირცხალიას განცხადებით, "ოცნების" მიერ კორუფციის წინააღმდეგ ბრძოლა 2-3%-ით აისახება ეკონომიკაზე

"განსაკუთრებით ბოლო 8 თვის განმავლობაში ვიხილეთ, თუ როგორი შეუვალი ბრძოლა გვქონდა კორუფციის წინააღმდეგ, ეს 2-3%-ით უკვე აისახება ეკონომიკაზე," - ამის შესახებ საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ, ირაკლი კირცხალიამ უმრავლესობის სხდომის დასრულების შემდეგ გამართულ ბრიფინგზე განაცხადა.

მისი თქმით, კორუფციის წინააღმდეგ ბრძოლა გაგრძელდება.

"მნიშვნელოვანი იყო, როცა ეკონომიკაზე და ეკონომიკურ ზრდაზე ვსაუბრობთ, სახელმწიფო მინისტრის როლი. განსაკუთრებით ბოლო 8 თვის განმავლობაში ვიხილეთ, თუ როგორი შეუვალი ბრძოლა გვქონდა კორუფციის წინააღმდეგ, ეს 2-3%-ით უკვე აისახება ეკონომიკაზე.

კორუფციის აღმოფხვრილი „დუფტი, რომელიც აღმოიფხვრა და გამოირკვა, ასე გაგრძელდება. სახელმწიფო მინისტრმა [მამუკა მდინარაძემ] ამ კუთხით ასევე ისაუბრა რა გეგმები აქვს სხვადასხვა სამინისტროს და როგორ აპირებს ამ ყველაფრის დაკოორდინირებას", - განაცხადა ირაკლი კვირცხალიამ.

ირაკლი კვირცხალიას თქმით, დღევანდელ სხდომას, ესწრებოდნენ: "პარტია „ქართული ოცნების“ თავმჯდომარე, საქართველოს პრემიერ-მინისტრი, ბატონი ირაკლი კობახიძე; ასევე, სახელმწიფო მინისტრი და ვიცე-პრემიერი, მამუკა მდინარაძე. მიმოვიხილეთ მიმდინარე პოლიტიკური თემები. ძალიან მნიშვნელოვანი იყო მათი დასწრება დღევანდელ უმრავლესობის სხდომაზე. მოგეხსენებათ, მამუკა მდინარაძე სახელმწიფო მინისტრის თანამდებობის დაკავების შემდეგ ამ ფორმატში პირველად იმყოფებოდა“, - აღნიშნა კირცხალიამ.