𝗧𝗿𝘂𝗺𝗽 𝗧𝗼𝘄𝗲𝗿 𝗧𝗯𝗶𝗹𝗶𝘀𝗶-ის საინვესტიციო ღირებულება $2 მილიარდია - ილია წულაია

"𝗧𝗿𝘂𝗺𝗽 𝗧𝗼𝘄𝗲𝗿 𝗧𝗯𝗶𝗹𝗶𝘀𝗶-ის საინვესტიციო ღირებულება $2 მილიარდია", - ამის შესახებ კომპანია "არქის" დამფუძნებელმა ილია წულაიამ 𝗧𝗿𝘂𝗺𝗽 𝗧𝗼𝘄𝗲𝗿 𝗧𝗯𝗶𝗹𝗶𝘀𝗶-ის ოფიციალურ პრეზენტაციაზე განაცხადა.

მისი თქმით, 𝗧𝗿𝘂𝗺𝗽 𝗧𝗼𝘄𝗲𝗿 Downtown Tbilisi იქცევა ქალაქის სიამაყის სიმბოლოდ და მნიშვნელოვან როლს შეიტანს ქვეყნის წარმატებაში.

"დღეს ძალიან მნიშვნელოვანი დღეა, ეს არის ხიდი დღევანდელობასა და ხვალინდელობასთან უძრავ ქონებასთან მიმართებაში. "𝗧𝗿𝘂𝗺𝗽 𝗧𝗼𝘄𝗲𝗿 𝗧𝗯𝗶𝗹𝗶𝘀𝗶" არ არის მხოლოდ ჩვეულებრივი უძრავი ქონების პროექტი, ეს არის ნახტომი რეალურ და მომავლის უძრავი ქონების ბაზარს შორის.

ბევრჯერ გვისაუბრია პარტნიორებთან, რომ უფრო რეალურია 𝗧𝗿𝘂𝗺𝗽 𝗧𝗼𝘄𝗲𝗿-ი 5-10 წლის შემდეგ გაგვეკეთებინა, მაგრამ ჩვენ დროს გავუსწარით და გადავწყვიტეთ ახლა გავეკეთებინა და 𝗧𝗿𝘂𝗺𝗽-ის ორგანიზაციასთან და ჩვენს პარტნიორებთან ერთად აგვეწია ქართული უძრავი ქონების ბაზარი, ამისთვის ძალიან დიდი მადლობა ჩვენს პარტნიორებს.

ამ პროეტის განხორციელება წარმოუდგენელი იქნებოდა იმ ბოლო წლების წარმატების გარეშე, რაც ჩვენს ქვეყანაში ხდება. მოგეხსებათ, რომ ბოლო 5 წელი 9%-იანი ეკონომიკური ზრდა გვაქვს. უძრავი ქონების ბაზარიც შესაბამისად, 10-15%-ით იზრდება. ქვეყნის განვთარების ამ ტეპმა მოგვცა იმის გამბედაობა, რომ ასეთი გადაწყვეტილება მიგვეღო და ასეთ მასშტაბურ პროექტს შევჭიდებოდით.

𝗧𝗿𝘂𝗺𝗽 𝗧𝗼𝘄𝗲𝗿 𝗧𝗯𝗶𝗹𝗶𝘀𝗶-ის საინვესტიციო ღირებულება $2 მილიარდია", - განაცხადა ილია წულაიამ.