ივნისში ენერგეტიკის და სამთო მოპოვებით მრეწველობაში შემცირება იყო - საქსტატი

2026 წლის ივნისში, წინა წლის შესაბამის პერიოდთან შედარებით, კლება ენერგეტიკისა და სამთო-მოპოვებითი მრეწველობის სექტორებში დაფიქსირდა, მაშინ როდესაც ეკონომიკის სხვა ძირითად დარგებში ზრდა შენარჩუნდა. ამის შესახებ საქართველოს სტატისტიკის ეროვნული სამსახურის წინასწარ შეფასებაშია აღნიშნული.

საქსტატის ინფორმაციით, ივნისში რეალური მთლიანი შიდა პროდუქტის (მშპ) ზრდამ 8.6% შეადგინა, ხოლო 2026 წლის პირველი ექვსი თვის საშუალო მაჩვენებელი 7.9%-ით განისაზღვრა.

ამავე პერიოდში, საქართველოს კერძო სექტორის, ანუ დღგ-ის გადამხდელი კომპანიების ბრუნვამ 16.7 მილიარდი ლარი შეადგინა, რაც წინა წლის შესაბამის პერიოდთან შედარებით 14%-ით არის გაზრდილი.

„2026 წლის ივნისში, წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: დამმუშავებელი მრეწველობა, ტრანსპორტი და დასაწყობება, მშენებლობა, ინფორმაცია და კომუნიკაცია, საფინანსო და სადაზღვევო საქმიანობები. კლების ტენდენცია დაფიქსირდა სამთო-მოპოვებითი მრეწველობის და ენერგეტიკის სექტორებში“, – აღნიშნულია საქსტატის წინასწარ შეფასებაში.