Kalshi-ს საბაზრო ღირებულება ხუთ თვეში გაორმაგდა და $22 მილიარდს მიაღწია

საპროგნოზო ბაზრების სფეროში მოქმედმა სტარტაპმა, Kalshi-მ დაფინანსების ახალ რაუნდში $1 მილიარდი მოიზიდა, რის შედეგადაც კომპანიის ღირებულება $22 მილიარდამდე გაიზარდა. საყურადღებოა, რომ სულ რაღაც ხუთი თვის წინ, ანალოგიური მოცულობის ინვესტიციის შემდეგ, სტარტაპი $11 მილიარდად ფასდებოდა.

დაფინანსების ბოლო რაუნდს საინვესტიციო კომპანია Coatue ხელმძღვანელობდა, რომელშიც ასევე მონაწილეობდნენ Sequoia, Andreessen Horowitz-ი და Paradigm-ი.

როგორც ირკვევა, Kalshi-ს წლიური შემოსავალი $1.5 მილიარდს აჭარბებს. კომპანიის მიერ გავრცელებული ინფორმაციით, ბოლო ექვსი თვის განმავლობაში პლატფორმაზე ინსტიტუციური ვაჭრობის მოცულობა 800%-ით გაიზარდა. ამჟამად სტარტაპი აშშ-ის პროგნოზირების ბაზრის აქტივობის 90%-ს აკონტროლებს.

აღნიშნული სტარტაპი მომხმარებლებს საშუალებას აძლევს, ფსონები სხვადასხვა მოვლენაზე განათავსონ.