ლაშა გუჯეჯიანი უზბეკეთის ძიუდოს ნაკრებს გაწვრთნის

საქართველოს ძიუდოს ეროვნული ნაკრების ყოფილი მთავარი მწვრთნელი, ლაშა გუჯეჯიანი, რომელიც ჩვენს ნაკრებს სათავეში 2020 წლის პირველი დეკემბრიდან ედგა, ამიერიდან უზბეკეთის ეროვნულ ნაკრებს გაწვრთნის. ინფორმაციას Setanta Sports ავრცელებს.გუჯეჯიანმა საქართველოს ეროვნული ნაკრების დატოვების გადაწყვეტილება რამდენიმე დღის წინ მიიღო და საჯარო პოსტში, გადაწყვეტილების მიღების მიზეზად მოტივაციის ნაკლებობა დაასახელა.

შეგახსენებთ, რომ ლაშა გუჯეჯიანის ხელმძღვანელობით ქართველმა ძიუდოისტებმა 2020 წლის ტოკიოს ოლიმპიადაზე 1 ოქროსა და 3 ვერცხლის, ხოლო 2024 წლის პარიზის თამაშებზე 1 ოქროსა და 2 ვერცხლის მედალი მოიპოვეს. 2025 წელს კი საქართველოს ნაკრებმა მისი მწვრთნელობით კიდევ ერთ ისტორიულ წარმატებას მიაღწია და გუნდურ შეჯიბრებაში მსოფლიოს ჩემპიონი გახდა.