Lion Finance Group, IDS Borjomi, Toyota Caucasus... - TOP-10 კომპანია, რომლებშიც I კვარტალში ყველაზე მეტი FDI ჩაიდო

I კვარტალში ქვეყნის ეკონომიკის სხვადასხვა სექტორში 271.2 მლნ დოლარის FDI ჩაიდო. წლიური ზრდა 47.7%-ია. ამასთან, რეინვესტიციის წილი მთლიან FDI-ში ნახევარზე მეტია და 53.8% აღწევს. საქსტატში განმარტავენ, რომ FDI-ს „ზრდა განპირობებულია პირდაპირი უცხოური ინვესტიციების ორი კომპონენტის: სააქციო კაპიტალის და სავალო ვალდებულებების მაჩვენებლის გაზრდით“.

BM.GE-მ საქსტატიდან უმსხვილესი 10 კომპანია გამოითხოვა, რომელშიც წელს ყველაზე მეტი პირდაპირი უცხოური ინვესტიცია ჩაიდო. იმის გათვალისწინებით, რომ უმსხვილესი ინვესტორი ქვეყნების რეიტინგში გაერთიანებული სამეფო, აშშ და ნიდერლანდები ლიდერობენ, ხოლო დარგების რეიტინგში პირველ სამეულში საფინანსო, უძრავი ქონების და ICT სექტორები შედიან, უმსხვილეს ინვესტორ კომპანიებს შორის სწორედ ამ სექტორებში მოქმედ კომპანიებს ვხვდებით.

TOP-10 კომპანია, სადაც ყველაზე მოცულობითი FDI ჩაიდო, ასეთია:

• სს თელასი; • აიდიეს ბორჯომი საქართველო, შპს აიდიეს ბორჯომი ბევერიჯიზ კომპანის საქართველოს ფილიალი; • შპს მაგთიკომი; • შპს თბილისი ენერჯი; • სს საქორგგაზი; • შპს ტოიოტა კავკასია; • შპს პაშა დეველოპმენტ ჯორჯია; • სს ბიჯეო ჯგუფი; [Lion Finance Group] • შპს ვოლტარეს პაუერ პროჯექტს; • შპს სოკარ მიდსთრიმ ოპერეიშენს - საქართველოს ფილიალი

შენიშვნა: საქსტატი საწარმოების რეიტინგს შემთხვევითობის პრინციპით ალაგებს.