მაკა ბოჭორიშვილი აშშ-ის სახელმწიფო დეპარტამენტის წარმომადგენელს შეხვდა
საგარეო საქმეთა სამინისტროს ინფორმაციით, მინისტრი მაკა ბოჭორიშვილი ამერიკის შეერთებული შტატების სახელმწიფო მდივნის თანაშემწის მოადგილეს, სონატა კოლტერს შეხვდა.
სამინისტროს ცნობითვე, შეხვედრის ფარგლებში, განხილულ იქნა საქართველოსა და აშშ-ის შორის ურთიერთობები და თანამშრომლობის პერსპექტივები.
"ხაზი გაესვა საქართველოს სუვერენიტეტისა და ტერიტორიული მთლიანობის მიმართ შეერთებული შტატების მტკიცე მხარდაჭერას. მხარეებმა განიხილეს მომავალი ნაბიჯები და დაადასტურეს ურთიერთობების შემდგომი გაძლიერების მზაობა", - წერია სამინისტროს მიერ გავრცელებულ ინფორმაციაში.
სახელმწიფო დეპარტამენტის წარმომადგენელი ასევე შეხვდა ოპოზიციის წევრებს. შეხვედრაზე იმყოფებოდნენ ოპოზიციის ალიანსში შემავალი პარტიების წარმომადგენლები, ასევე „ლელოსა“ და გახარიას პარტიის წევრები.
შეგახსენებთ, აშშ-ის წარმომადგენელი გუშინ, 7 მაისს, პრემიერ-მინისტრს ირაკლი კობახიძეს შეხვდა და როგორც კობახიძემ განაცხადა, დაუდასტურა მთავრობის მზადყოფნა ორმხრივი ურთიერთობების გადატვირთვისთვის.
BM.GE
წყარო: bm.ge