მარნეულში ფრინველთა არალეგალურ სასაკლაოს, საწარმოო პროცესი შეუჩერდა - სეს
მარნეულში ფრინველთა არალეგალური სასაკლაოს საწარმოო პროცესი შეჩერდა. ამის შესახებ ინფორმაციას სურსათის ეროვნული სააგენტო ავრცელებს.
სააგენტოს ცნობით, ქვემო ქართლის დეპარტამენტის ინსპექტორებმა მარნეულში, ბერიტაშვილის ქუჩა N12-ზე, ფიზიკური პირი ა.კ. გამოავლინეს, რომელსაც კუსტარულად ჰქონდა მოწყობილი ქათმის სასაკლაო. ინსპექტირების შედეგად დადგინდა, რომ მეწარმე საქმიანობას ეკონომიკურ საქმიანობათა რეესტრში რეგისტრაციისა და სააგენტოს სავალდებულო აღიარების გარეშე ახორციელებდა, ამასთან, წარმოებაში ჰიგიენური ნორმები უხეშად იყო დარღვეული. დარღვევების გამო მეწარმე დაჯარიმდა, ხოლო საწარმოო პროცესი შეუჩერდა.
სურსათის ეროვნული სააგენტო აცხადებს, რომ აგრძელებს არალეგალური სურსათის საწარმოების გამოვლენას და მოუწოდებს ბიზნესოპერატორებს, საქმიანობა კანონმდებლობის მოთხოვნების შესაბამისად განახორციელონ, უზრუნველყონ სურსათის უვნებლობის სტანდარტების დაცვა და შესაბამისი აღიარების გარეშე პროდუქციის წარმოებას თავი აარიდონ.
BM.GE
წყარო: bm.ge