მისო „ჯი-აი-სი“ ლიკვიდაციის რეჟიმშია - როგორ უნდა მოიქცნენ კრედიტორები?

სს მისო „ჯი-აი-სი“-ს მიკროსაფინანსო ორგანიზაციის რეგისტრაცია გაუუქმდა და ლიკვიდაციის რეჟიმში გადავიდა. შესაბამისი განკარგულება საქართველოს ეროვნული ბანკის ვიცე-პრეზიდენტმა გამოსცა.

სებ-ის ინფორმაციით, სს მისო „ჯი-აი-სი“-ს ვალდებულებების დროული და შეუფერხებელი დაზუსტების მიზნით, კრედიტორებმა საზოგადოების ლიკვიდატორს უნდა წარუდგინონ შემდეგი დოკუმენტაცია:

ფიზიკური პირების შემთხვევაში:

• პირადობის დამადასტურებელი დოკუმენტი; • სს მისო „ჯი-აი-სი“-ს მიმართ მოთხოვნის არსებობის დამადასტურებელი დოკუმენტაცია.

იურიდიული პირების შემთხვევაში:

• ამონაწერი სამეწარმეო რეესტრიდან იურიდიული პირის რეგისტრაციის შესახებ; • უფლებამოსილი პირის დამადასტურებელი დოკუმენტი; • სს მისო „ჯი-აი-სი“-ს მიმართ მოთხოვნის არსებობის დამადასტურებელი დოკუმენტაცია;

სებ-ის თანახმად, ზემოაღნიშნული დოკუმენტაცია ლიკვიდატორს მიეწოდება წინამდებარე განცხადების ოფიციალურად გამოქვეყნებიდან 30 კალენდარული დღის განმავლობაში შემდეგ მისამართზე: ქ. თბილისი, ფალიაშვილის ქ. N96, ბ.1 (ლიკვიდატორი - როინ ცაციაშვილი, ტელ.: 599 511 382, ელ.ფოსტა: Roin.tsatsiashvili@nbg.gov.ge). აღნიშნული პირობის შეუსრულებლობის შემთხვევაში კრედიტორთა პრეტენზიები არ მიიღება.