მოსკოვმა დააანონსა, რომ დიზელის ექსპორტს ტრამპის მიერ განსაზღვრულზე მეტად გაზრდის

რუსეთის ვიცე-პრემიერმა, ალექსანდრ ნოვაკმა დააანონსა, რომ კრემლი დიზელის ექსპორტს იმაზე მეტად გაზრდის, ვიდრე ეს პრეზიდენტ დონალდ ტრამპთან იყო შეთანხმებული. ნოვაკმა განაცხადა, რომ წლის ბოლომდე საწვავის ექსპორტი თვეში 3.0-3.5 მილიონ ტონას მიაღწევს.

ნავთობის საკითხებში პრეზიდენტ ვლადიმირ პუტინის მთავარმა წარმომადგენელმა სახელმწიფო ტელეარხ Rossiya-24-ის ეთერში აღნიშნა, რომ რუსული რესურსი გლობალურ ბაზარზე მოთხოვნისა და მიწოდების დაბალანსებას ხელს შეუწყობს.

საყურადღებოა, რომ პრეზიდენტი ტრამპი ამ სიახლეს ჯერ არ გამოხმაურებია, თუმცა ცნობილია, რომ ის პრეზიდენტ პუტინის მიერ წამოყენებულ შეთავაზებას დადებითად აფასებს.