მცირე მარნებისთვის სერტიფიცირების საფასურის გაუქმების დადგენილება ძალაში შევიდა
მცირე მარნები ადგილობრივ ბაზარზე სარეალიზაციოდ განკუთვნილი პროდუქციის სერტიფიცირების საფასურისგან გათავისუფლდნენ - შესაბამის დადგენილებას პრემიერ-მინისტრმა ირაკლი კობახიძემ მოაწერა ხელი.
მთავრობის ადმინისტრაციის ცნობით, გადაწყვეტილება კანონმდებლობით გათვალისწინებული პროცედურების გავლის შემდეგ უკვე ძალაში შევიდა.
მცირე მარნებისთვის სერტიფიცირების საფასურის გაუქმების გადაწყვეტილება მათთან ჩატარებული კონსულტაციების შედეგად იქნა მიღებული.
შეგახსენებთ, 1 სექტემბრიდან ადგილობრივ ბაზარზე სარეალიზაციოდ განკუთვნილი ალკოჰოლური სასმელების სერტიფიკატის გაცემის მომსახურება ფასიანი გახდა. მთავრობის ახალი დადგენილებით, მცირე მარნებისთვის ეს მომსახურება უფასოდ განხორციელდება, თუმცა თავად სერტიფიცირების პროცედურის გავლა მათთვის კვლავ სავალდებულო რჩება.
BM.GE
წყარო: bm.ge