NATO-ს ხელმძღვანელი - "ომში წასული რუსი ახალგაზრდები სიკვდილისთვის არიან განწირულები"

ჩრდილოატლანტიკური ალიანსის გენერალურმა მდივანმა, მარკ რუტემ უკრაინაში მიმდინარე ომში მონაწილეობის მსურველ ახალგაზრდა რუსებს მოუწოდა, თავი შეიკავონ ბრძოლებში ჩართვისაგან, რადგან ეს მათი სიკვდილით დასრულდება. რუტემ კიევში გამართულ პრესკონფერენციაზე რუსეთის მოქალაქეებსა და მათ ოჯახებს პირდაპირ მიმართა და სამხედრო სამსახურში ჩაწერის მსურველებს განუცხადა, რომ ეს მათთვის წაგებიანი გარიგება იქნება.

მნიშვნელოვანია ითქვას, რომ სიტყვით გამოსვლისას მარკ რუტემ ყურადღება რუსი წვევამდელების მძიმე პირობებზეც გაამახვილა. მისი განცხადებით, ფრონტზე გაგზავნილი ახალგაზრდები შესაბამის მომზადებას ვერ გადიან. ამასთან, მათ უხარისხო აღჭურვილობას აძლევენ, რის გამოც ბრძოლის ველზე დაღუპვის ან დაჭრის ალბათობა უკიდურესად იზრდება. ალიანსის გენერალურმა მდივანმა დასძინა, რომ დაჭრის შემთხვევაში, რუსი ჯარისკაცები ტალახში დასახოცად უყურადღებოდ რჩებიან.

რაც შეეხება ფრონტზე არსებულ სტატისტიკას, მარკ რუტემ მათზეც ისაუბრა და რუსეთის დანაკარგებს გამაოგნებელი უწოდა. მისი თქმით, უკრაინაში ყოველთვიურად 30,000-ზე მეტი რუსი ჯარისკაცი იღუპება. აღსანიშნი ფაქტია, რომ ეს მაჩვენებელი აჭარბებს იმ მსხვერპლს, რომელიც საბჭოთა კავშირმა 1980-იან წლებში, ავღანეთის ათწლიანი ომის განმავლობაში განიცადა.