ნავთობის ფასი $95.2-მდე შემცირდა

საერთაშორისო ბაზარზე ნავთობის ფასი 1%-ით შემცირდა. Brent-ის ფასმა ბარელზე $95.2 შეადგინა, WTI-ის ღირებულება კი $89.46-მდე შემცირდა.

მნიშვნელოვანია ითქვას, რომ საფასო ცვლილება ახლო აღმოსავლეთში საექსპორტო მიწოდების აღდგენამ განაპირობა. საუდის არაბეთმა აღმოსავლეთ-დასავლეთის ნავთობსადენის ფუნქციონირება სრულად განაახლა. პარალელურად, იანბუს საზღვაო პორტში ნედლი ნავთობის დატვირთვის ოპერაციებიც აღდგა.

ამ ნაბიჯების ფონზე, რეგიონული ექსპორტის მოცულობამ ომის დაწყებიდან დღემდე ყველაზე მაღალ ნიშნულს მიაღწია. მიწოდების აღსანიშნავია, რომ დეფიციტთან დაკავშირებული რისკების შემცირება ტრეიდერებმა მიმდინარე ფასებში უკვე ასახეს.

ცნობისთვის, გლობალურ ენერგეტიკულ ბაზარზე გარკვეული გამოწვევები კვლავ ნარჩუნდება. ჰორმუზის სრუტე მთავარ გეოპოლიტიკურ შემაფერხებელ წერტილად რჩება. აშშ-ისა და ირანის დიპლომატიური მოლაპარაკებები კი ჩიხშია შესული.