OFAC-მა სანქციების გასაჩივრების ახალი პორტალი აამოქმედა
აშშ-ის ფინანსთა სამინისტროს უცხოური აქტივების კონტროლის ოფისმა (OFAC) სპეციალური ონლაინპორტალი წარადგინა. როგორც ირკვევა, ახალი პლატფორმა განკუთვნილია იმ პირებისთვის, რომლებიც OFAC-ის სასანქციო სიიდან საკუთარი მონაცემების ამოშლას ითხოვენ.
ახალი სისტემა მიზნად ისახავს სააპელაციო პროცესის ოპტიმიზაციას და განმცხადებლებს საჭირო ინფორმაციის წინასწარ წარდგენაში ეხმარება, რაც მრავალეტაპიანი კითხვა-პასუხის რეჟიმს შეამცირებს და გადაწყვეტილების მიღებას დააჩქარებს.
არსებული ინფორმაციით, სასანქციო სიაში მყოფ პირებს პორტალის საშუალებით იმ საჯარო ინფორმაციის გამოთხოვაც შეუძლიათ, რომელიც მათი დასანქცირების საფუძველი გახდა. ამასთან, პროცესის გამარტივების მიზნით, უწყებამ ვებგვერდზე ხშირად დასმული კითხვების განყოფილება განაახლა და საუკეთესო პრაქტიკის შესახებ სპეციალური გზამკვლევები გამოაქვეყნა.
BM.GE
წყარო: bm.ge