OPEC-მა ნავთობის მოპოვება გაზარდა
BM.GE|bm.ge
ნავთობის ექსპორტიორი ქვეყნების ორგანიზაციამ და მისმა მოკავშირეებმა (OPEC+) აგვისტოში ნავთობის ერთობლივი მოპოვების დღეში 188 000 ბარელით გაზრდის გადაწყვეტილება მიიღეს. აღსანიშნავია, რომ ორგანიზაციამ მოპოვების ყოველთვიური ზრდა უკვე ზედიზედ მეხუთედ განახორციელა.
ნავთობის გლობალური ფასების კლების ფონზე, მოპოვების აღნიშნული მცირედი მატება დიდწილად სიმბოლურ ხასიათს ატარებს და ის ბაზარზე დიდ გავლენას ვერ მოახდენს. OPEC-ის განცხადებით, ეს მოცულობა სიმბოლური იქნება მანამ, სანამ აშშ-სა და ირანს შორის სამშვიდობო შეთანხმება საბოლოოდ არ ამოქმედდება, ჰორმუზის სრუტე კი ნაოსნობისთვის სრულად არ გაიხსნება.
ცნობისთვის, ამჟამად ბარელი Brent-ის ფასი $72-ის ფარგლებშია, WTI დაახლოებით $68 ღირს და რუსული Urals-ის ფასი 51 დოლარს შეადგენს.
გაზიარება:
BM
BM.GE
წყარო: bm.ge