OpenAI-მ ივლისში იმაზე მეტი შემოსავალი მიიღო, ვიდრე მთელ მე-2 კვარტალში - კომპანიის CFO

OpenAI-ის ფინანსურმა დირექტორმა, სარა ფრაიარმა თანამშრომლებთან შეხვედრაზე განაცხადა, რომ კომპანიის წლიური შემოსავლის მაჩვენებელმა ივლისში მთლიანი მეორე კვარტალის შედეგს გადააჭარბა.

გამორჩეული ფინანსური ზრდის მთავარი მამოძრავებელი GPT-5.6 სერიის მოდელების, ChatGPT Work-ისა და Codex-ის პოპულარობის მატება გახდა. კომპანიის მმართველი საბჭოს თავმჯდომარემ, ბრეტ ტეილორმა აღნიშნა, რომ პროგრამირების ინსტრუმენტ Codex-ზე მოთხოვნა განსაკუთრებითაა გაზრდილი, რადგან მომხმარებლები კონკურენტი Claude Code-ის მაღალი ტარიფების გამო ალტერნატივას ეძებენ.

სარა ფრიარმა თანამშრომლებს განუცხადა ისიც, რომ OpenAI-ი ინფრასტრუქტურული პროექტების მასშტაბურ დაფინანსებას გეგმავს. კომპანიას 2030 წლისთვის გამოთვლითი სიმძლავრეების უზრუნველსაყოფად $600 მილიარდის დახარჯვა აქვს განზრახული. არსებული ცნობებით, ის Nvidia-სთან $250 მილიარდამდე მოცულობის შეთანხმებაზე მოლაპარაკებებს აწარმოებს, რაც მიზნად ოჰაიოს შტატში მონაცემთა ახალი ცენტრის იჯარის დაფინანსებას ისახავს.