პატრიარქის დაკრძალვასთან დაკავშირებით არამიზნობრივი ხარჯი არ იკვეთება - ირაკლი კობახიძე
პრემიერი ირაკლი კობახიძე ამბობს, რომ პატრიარქის დაკრძალვასთან დაკავშირებით არამიზნობრივი ხარჯი არ იკვეთება. მან საკითხზე საპარლამენტო უმრავლესობის სხდომის შემდეგ გამართულ ბრიფინგზე, ჟურნალისტებთან ისაუბრა.
მან აღნიშნა, რომ მაღალი საჯარო ინტერესის გათვალისწინებით, ხარჯების შესახებ დეტალური ინფორმაცია იქნება საჯაროდ წარმოდგენილი.
"პატრიარქის დაკრძალვასთან დაკავშირებულ ხარჯებზე რამდენჯერმე გავრცელდა ინფორმაცია, რომ არამიზნობრივი ხარჯი იყო გაწეული. მე პირველადი ინფორმაცია უკვე მაქვს მთავრობის ადმინისტრაციიდან. პირველადი ინფორმაციის თანახმად, არავითარი არამიზნობრივი ხარჯი არ იკვეთება. ბევრად მეტი თანხა იყო გამოყოფილი, რისი ძალიან დიდი ნაწილიც უკან დაბრუნდა. გამომდინარე იქიდან, რომ არის საზოგადოებრივი ინტერესი, დეტალურ ინფორმაციას წარმოგიდგენთ უახლოეს მომავალში. თუ კიდევ რაიმე კითხვა დარჩება, ვიმსჯელოთ ერთად და შეგვიძლია ნებისმიერ უწყებას მივმართოთ, მაგრამ ჯერ გაგიზიარებთ დეტალურ ინფორმაციას, რა ხარჯები იქნა გაწეული", - ამბობს ირაკლი კობახიძე.
BM.GE
წყარო: bm.ge