"პორშეს" აქციები და 72 000 ლარის საჩუქარი მშობლებისგან|რა ქონებას ფლობს ყოფილი ბიზნესომბუდსმენი?

ბიზნესომბუდსმენის აპარატი 1 იანვრიდან გაუქმდა და ეკონომიკის სამინისტროს დაქვემდებარებაში გადავიდა. ბიზნესომბუდსმენის თანამდებობას 2022 წლიდან ოთარ დანელია იკავებდა. ის ეკონომიკისა და მდგრადი განვითარების მინისტრის მრჩევლის პოზიციაზე გადავიდა.

უკვე ყოფილმა ბიზნესომბუდსმენმა გასულ წელს ამ პოზიციაზე 80 701,5 ლარი აქვს აღებული. მისი მეუღლე მერი ჩიქობავა კი "112"-ის დირექტორის მოადგილის თანამდებობაზეა, სადაც გასულ წელს 97 904 ლარის ხელფასი აქვს აღებული.

უძრავი ქონება

ოთარ დანელიას ქონებრივი დეკლარაცია ბოლოს 2026 წლის 2 მარტს აქვს შევსებული. დეკლარაციის მიხედვით, გასულ წელს დანელიას ნაყიდი აქვს თაბუკაშვილის ქუჩაზე 5 კვ.მ ფართობის სარდაფი 1500 აშშ დოლარად.

რაც შეეხება სხვა ქონებას, 2022 წელს ყოფილი ბიზნესომბუდსმენს 84,3 კვ.მ ბინა აქვს ნაყიდი 148 000 აშშ დოლარად ბათუმში, ნინოშვილის ქუჩაზე, ასევე 12 კვ.მ ავტოფარეხი ამავე ქუჩაზე, ხოლო თბილისში, გაზდელიანის I შესახვევში 30 000 ლარად 880 კვ.მ მიწის ნაკვეთი აქვს შეძენილი. ამავე წელს, ბიზნესომბუდსმენის მეუღლის მერი ჩიქობავას სახელზე ფიქსირდება 11 500 ლარად Jaguar-ის მარკის ავტომანქანა.

ოთარ დანელიას 2023 წელს ნაყიდი აქვს 411,8 აშშ დოლარის “პორშეს” (Dr Ing hc FP AG) 5 აქცია. ამასთან, ყოფილ ბიზნესომბუდსმენს გასულ წელს გაყიდული აქვს ავტომობილი 76 300 ლარად.

დანაზოგი და საჩუქრები

ასევე, მას ნაღდი ფულის სახით 40 000 აშშ დოლარის ოდენობის დანაზოგი აქვს მითითებული, მის მეუღლეს კი 15 000 ევროს ოდენობის ნაღდი ფული.

მშობლისგან კი მიღებული აქვს 14 600 ლარის, 19 500 აშშ დოლარის და 1450 ევროს ოდენობის საჩუქარი.

სამეწარმეო საქმიანობა