პროკურატურის განცხადებით, თაღლითური "ქოლ-ცენტრების" გამოსავლენად უცხოურ გამოძიებასთან აქტიურად თანამშრომლობენ

საქართველოს პროკურატურის განცხადებით, უწყება აქტიურად არის ჩართული ტრანსნაციონალური თაღლითობის, კიბერდანაშაულისა და ფულის გათეთრების წინააღმდეგ ბრძოლაში, მათ შორის, ე.წ. „თაღლითური ქოლ-ცენტრების“ საქმიანობის გამოვლენასა და გამოძიებაში. ამის შესახებ პროკურატურის 2025 წლის ანგარიშში არის აღნიშნული.

პროკურატურის ინფორმაციით, ორგანიზებული დანაშაულის წინააღმდეგ ეფექტიანი ბრძოლა მნიშვნელოვნად არის დამოკიდებული სხვადასხვა ქვეყნის სამართალდამცავ და საპროკურორო უწყებებთან თანამშრომლობაზე.

პროკურატურის მონაცემებით, 2025 წელს საქართველოს გენერალური პროკურატურის საგამოძიებო ნაწილმა სხვადასხვა ქვეყანაში სამართლებრივი დახმარების მოთხოვნით 108 შუამდგომლობა გააგზავნა, ხოლო უცხოეთიდან მიღებული 96 მოთხოვნა შეასრულა.

"საქართველოს პროკურატურა აქტიურად არის ჩართული ტრანსნაციონალური თაღლითობის, კიბერდანაშაულისა და ფულის გათეთრების, მათ შორის, ე.წ. „თაღლითური ქოლ-ცენტრების“ ორგანიზებული დანაშაულებრივი საქმიანობის წინააღმდეგ ბრძოლაში. ორგანიზებული დანაშაულის გამოვლენა, უკანონო აქტივების კვალზე მიდევნება, აღმოჩენა და შემდგომი კონფისკაცია სხვადასხვა ქვეყნის შესაბამის უწყებებთან, საპოლიციო და საპროკურორო დანაყოფებთან ეფექტურ თანამშრომლობაზეა დამოკიდებული.

გლობალიზაციისა და ტექნოლოგიური განვითარების პირობებში ორგანიზებული დანაშაული სულ უფრო ხშირად ოპერირებს ტრანსნაციონალური მასშტაბით. ტრანსნაციონალური თაღლითობის (მათ შორის,ე.წ.„თაღლითური ქოლ-ცენტრების“), კიბერდანაშაულისა და ფულის გათეთრების გამოვლენა, უკანონო აქტივების კვალზე მიდევნება, აღმოჩენა და შემდგომი კონფისკაცია მნიშვნელოვნადაა დამოკიდებული სხვადასხვა ქვეყნების სამართალდამცავ უწყებებთან თანამშრომლობაზე.

საქართველოს პროკურატურის საგამოძიებო დანაყოფები იყენებენ საერთაშორისო თანამშრომლობის არსებულ მექანიზმებს, მათ შორის, სამართლებრივი დახმარების აღმოჩენის (MLA), ინტერპოლის (Interpol), კარინის (Carin), ევროპოლის (Evropol), ეგმონტის ჯგუფის (Egmont Group) თანამშრომლობის გზებს. ამასთან, საერთაშორისო თანამშრომლობის ჩარჩო არ შემოიფარგლება მხოლოდ დადგენილი სამართლებრივი რეგულაციებით. პრაქტიკაში აქტიურად გამოიყენება ინფორმაციის გაცვლის ოპერატიული საშუალებები, მტკიცებულებათა ხელმისაწვდომობის გამარტივებული პროცედურები და ევროჯასთის მხარდაჭერით შექმნილი ერთობლივი საგამოძიებო ჯგუფები. მაგალითისთვის, საქართველოს გენერალური პროკურატურის საგამოძიებო ნაწილმა 2025 წელს სხვადასხვა ქვეყანაში გააგზავნა 108 შუამდგომლობა სამართლებრივი დახმარების აღმოჩენის მოთხოვნით და შეასრულა სამართლებრივი დახმარების აღმოჩენის თაობაზე უცხოეთიდან მიღებული 96 თხოვნა,"- ნათქვამია პროკურატურის 2025 წლის საქმიანობის ანგარიშში.