ქანიე უესთის კონცერტზე tkt.ge-ზე ბილეთების რიგში 83,000-ზე მეტი ადამიანია

ქანიე უესთის ბილეთების გაყიდვა დღეს, 12:00-ზე tkt.ge-ზე თიბისი ბანკის ბარათების მფლობელებისთვის დაიწყო, სისტემის თანახმად რიგში 83,000-ზე მეტი ადამიანია.

Starring Georgia-ს ინფორმაციით, დინამო არენაზე 12 ივნისს დაგეგმილი კონცერტის ბილეთების ფასი 270 ლარიდან იწყება და 1600 ლარამდე მერყეობს.

ბილეთების წინასწარი გაყიდვა დაიწყება 11 მაისს, 12:00 საათიდან, მხოლოდ თიბისი ბარათების მფლობელებისთვის. ხოლო ძირითადი გაყიდვა დაიწყება 12 მაისს, 12:00 საათიდან, ნებისმიერი ბარათის მფლობელებისთვის. ორივე დღეს, თიბისი ბარათებით შეძენისას, ყველა კატეგორიის ბილეთზე იმოქმედებს -25%.