ქლიავი, დიზელი, კიტრი, ნიორი, გაზეთი - რა გაძვირდა/გაიაფდა ივნისში ყველაზე მეტად | TOP-10

ივნისში საქართველოში ინფლაციამ 5.8% შეადგინა - ამის შესახებ საქსტატის მიერ გამოქვეყნებული ანგარიშიდან ხდება ცნობილი.

საქსტატი ინფლაციას 305 სხვადასხვა დასახელების საქონლისა და მომსახურების ფასების ყოველთვიური გამოკვლევით ითვლის. დეტალური ინდექსის თანახმად, წლიურ ჭრილში ყველაზე მეტად გაძვირებულ საქონელს შორის არაერთი არის სურსათის ჯგუფიდან. გარდა სურსათისა მკვეთრად გაიზარდა დიზელის საწვავის ფასი, ასევე თვითმფრინავით მგზავრობა; ჟურნალ-გაზეთები და ოქროს ბეჭედი.

2026 წლის ივნისის მდგომარეობით ყველაზე გაძვირებული საქონლის ჩამონათვალია:

# დასახელება ფასის ცვლილება 1 ქლიავი 98.8% 2 დიზელის საწვავი 48.7% 3 ქორწინების 958 სინჯის ოქროს ბეჭედი 45.9% 4 მწვანე ლობიო 45.1% 5 გაზეთი 41.4% 6 ატამი 37.7% 7 კიტრი 34.9% 8 მსხალი 34.5% 9 თვითმფრინავით მგზავრობა 32.5% 10 ქალის ზამთრის ფეხსაცმელი 32.1%

2026 წლის ივნისის მდგომარეობით შემდეგი საქონელი გაიაფდა

რაც შეეხება საქონელს რომელიც გაიაფდა, მათ შორისაა გრძელვადიანი მოხმარების საყოფაცხოვრებო ტექნიკა, ასევე ციტრუსი და ინტერნეტის ღირებულება.

# დასახელება ფასის ცვლილება წინა წლის ანალოგიურ პერიოდთან შედარებით 1 ნიორი -23.9% 2 ინტერნეტის გადასახდელი -22.0% 3 ტელევიზორი -20.7% 4 კივი -17.7% 5 მაცივარი -16.6% 6 მანდარინი -16.4% 7 სარეცხი მანქანა -15.2% 8 თეფში -14.5% 9 ფორთოხალი -14.3% 10 ბავშვის კოლგოტი -13.7%