რა თანხას გამოიმუშავებენ UFC-ის მებრძოლები “თეთრი სახლის” ღონისძიებაზე?

UFC-ის აღმასრულებელმა დირექტორმა დენა უაითის განცხადებით, თეთრი სახლის ღონისძიების საპრიზო ფონდი 1 მილიონი დოლარი იქნება. მისი თქმით, საუკეთესო ბრძოლის სპორტსმენები 300-300 ათას დოლარს მიიღებენ, დღის საუკეთესო დაპირისპირების მონაწილეები კი პრემიის სახით 200-200 ათას დოლარს გამოიმუშავებენ.

შერეული ორთაბრძოლების ყველაზე პრესტიჟულ ორგანიზაციაში UFC Freedom არამხოლოდ 2026 წლის, არამედ ალბათ ყველა დროის ერთ-ერთი ყველაზე მნიშვნელოვანი ღონისძიებაა, რომელიც თეთრ სახლში დონალდ ტრამპის დაბადების დღეს, 14 ივნისს გაიმართება. მისი მთავარი ბრძოლის მონაწილე ორი წონითი დივიზიონის ქართველი ჩემპიონი ილია თოფურია იქნება და მსუბუქი წონის ქამრის პირველ დაცვას ამერიკელ ჯასტინ გეიჯისთან შეეცდება.

სხვა შოუებთან შედარებით, UFC Freedom 250-ზე შედარებით ნაკლები, შვიდი ჩხუბია ჩანიშნული. შეგახსენებთ, რომ ილია თოფურია და ჯასტინ გეიჯი ჩემპიონს მსუბუქ წონაში გამოავლენენ, ხოლო მძიმე წონით დივიზიონში ალექს პერეირა და სირილ განი დროებითი ჩემპიონის ტიტულისთვის იბრძოლებენ.