რა ვითარებაა ენერგეტიკულ ბირჟაზე? – ნავთობის და გაზის ფასები

მიმდინარე კვირა გლობალური ენერგეტიკული ბაზრის ზრდის უჩვეულოდ ძლიერი ტენდენციით გამოირჩეოდა – სულ რაღაც 5 დღეში ნავთობის ფასი საშუალოდ 8.5%-ით გაიზარდა და ბარელი Brent-ის ღირებულებამ 95 დოლარს გადააჭარბა, ხოლო WTI-ის ფასი 91 დოლარის ფარგლებშია.

საერთო ჯამში, წლის დასაწყისიდან დღემდე ნავთობი 57%-ით არის გაძვირებული, რაც ჰორმუზის სრუტის შეფერხებით არის განპირობებული.

რაც შეეხება ბუნებრივ აირს, მას გაცილების მკვეთრი ზრდა აქვს და წლის განმავლობაში ის თითქმის 150%-ით არის გაძვირებული. მიმდინარე კვირას გაზი საშუალოდ 7%-ით გაძვირდა და მეგავატი/საათი ენერგიის ფასმა ბირჟაზე 71 ევროს გადააჭარბა.

ბოლო პერიოდის განმავლობაში ენერგეტიკული რესურსების გაძვირებას აშშ-ირანის სამშვიდობო მოლაპარაკების პროცესის ჩაშლა და ჰორმუზის სრუტის პარალიზება იწვევს. ინვესტორები შიშობენ, რომ კონფლიქტი ზამთრამდე ვერ მოგვარდება, რაც გაზისა თუ სხვა სათბობი რესურსების ბუნებრივ გაძვირებას უწყობს ხელს.