რატომ გაიზარდა Qualcomm-ის აქციების ფასი 7%-ით?

ნახევარგამტარების ამერიკული გიგანტის, Qualcomm-ის აქციების ფასი ორშაბათ საღამოს მოულოდნელად 7%-ით გაიზარდა. როგორც ირკვევა, ეს ცვლილება OpenAI-ს მიერ საკუთარ ტელეფონზე მუშაობის დაანონსებამ განაპირობა. კონკრეტიკისთვის, სტარტაპმა განაცხადა, რომ მისი თანამედროვე სმარტფონისთვის ჩიპებს სწორედ Qualcomm-ი დაამზადებს.

TF International Securities-ის ანალიტიკოსის ინფორმაციით, ამერიკული კომპანია პროექტზე ტაივანურ MediaTek-თან ერთად იმუშავებს. ამასთან, ჩიპის დიზაინისა და აპარატურის შექმნაში ჩინური მწარმოებელი Luxshare-იც ჩაერთვება. მოწყობილობის მასობრივი წარმოება, არსებული პროგნოზით, 2028 წელს დაიწყება.

სიცხადისთვის, OpenAI-ი ქმნის სმარტფონს, რომელსაც არ ექნება აპლიკაციები და მთლიანაც ხელოვნური ინტელექტის აგენტებზე იქნება დამოკიდებული.

შეგახსენებთ, რომ Qualcomm-ი ჩიპების მწარმოებელი მსოფლიოში ერთ-ერთი უმსხვილესი კომპანიაა. დადებითი ფინანსური მაჩვენებლების მიუხედავად, მისი აქციების ღირებულება მიმდინარე წლის დასაწყისიდან 13 პროცენტით შემცირდა. შესაბამისად, ამ სიახლემ ტექნოლოგიური კომპანიის მიმართ ინვესტორების ინტერესი კვლავ გააძიერა.