Robinhood-ის გენერალური დირექტორის X-ის ანგარიში ჰაკერებმა გატეხეს

ტექნოლოგიური კომპანია Robinhood-ის თანადამფუძნებლისა და გენერალური დირექტორის, ვლად ტენევის განცხადებით, გასულ კვირას მისი X-ის ანგარიში ჰაკერებმა გატეხეს. როგორც ირკვევა, თავდამსხმელმა სოციალურ ქსელში ე.წ. მიმკოინის შესახებ თაღლითური შინაარსის პოსტიც გამოაქვეყნა.

მნიშვნელოვანია ითქვას, რომ კომპანიის ხელმძღვანელმა მომხდარის დეტალებზეც ისაუბრა. ტენევის განმარტებით, თაღლითმა X-ის მხარდაჭერის სამსახურის თანამშრომლები შეცდომაში შეიყვანა, რის შედეგადაც ორფაქტორიანი ავტორიზაციის უსაფრთხოების სტანდარტული სისტემების გვერდის ავლით ანგარიშზე შესვლა შეძლო. აღსანიშნავია, რომ ტენევმა საკუთარ გვერდზე წვდომა იმავე დღეს სრულად დაიბრუნა, ხოლო თაღლითური განცხადება პლატფორმიდან წაშალეს. ამასთან, მსგავსი ინციდენტების პრევენციის მიზნით, სოციალური ქსელის უსაფრთხოების ჯგუფმა ტენევის ანგარიშისთვის დამატებითი დამცავი მექანიზმები დააწესა.

ცნობისთვის, ამერიკულ კომპანიებში კიბერუსაფრთხოების ინციდენტების რაოდენობა ბოლო პერიოდში საგრძნობლად გაიზარდა, რასაც განსაკუთრებით ხელოვნური ინტელექტით მართული ჰაკერული თავდასხმების ტალღა განაპირობებს. ამ თავდასხმების მთავარი მიზანი სენსიტიური მონაცემების მოპოვებაა.